Ախտորոշումը` կատարակտա. ի՞նչ անել

Բոլորին է հայտնի, որ 40-50 տարեկանից հետո, գործնականում յուրաքանչյուր մարդ ակնոց է կրում: Իսկ ի՞նչ անել, եթե վատ եք տեսնում, իսկ առավել ուժեղ ակնոցը չի օգնում: Ինչո՞ւ է տեսողությունը վատանում: Հնարավոր է, որ դա կատարակտա է:

Ներկայումս այս հիվանդությունը գնալով երիտասարդանում է և հաճախ է հանդիպում մինչև 50 տարեկան անձանց մոտ, իսկ 60 տարեկանից հետո դրանով գործնակամում տառապում է յուրաքանչյուր մարդ:

Կատարակտան հիվանդություն է, որի պատճառով աչքի բյուրեղիկը (մասամբ կամ լիովին) կորցնում է թափանցիկությունը և տեսողությունը թուլանում է: Այս հիվանդության զարգացման հիմնական պատճառն օրգանիզմի ծերացման բնական գործընթացն է և էնդոկրինային խանգարումների այնպիսի առկայությունը, ինչպիսիք են նյութափոխանակության խանգարումը, շաքարային դիաբետը, ավիտամինոզը և այլն: Մասնագետների կարծիքով, կատարակտայի առաջացման պատճառներից կարող են լինել նաև ժառանգական նախահակվածությունը, աչքի մի շարք հիվանդությունները, վնասվածքները, բնապահպանական վատ վիճակը:

Բացի այդ, բժիշկների կարծիքով, կատարակտա կարող է դրսևորվել նաև դեղպատրաստուկների ընդունման հետևանքով, մասնավորապես, որոշ հորմոնային պատրաստուկների, որոնք ներկայումս կիրառվում են մի շարք հիվանդությունների, օրինակ, ասթմայի, արթրիտների բուժման համար:

Չի կարելի բուժումը հետաձգել

Սաստկացող կատարակտան նշանակալիորեն վատթարացնում է մարդու կյանքի որակը և չբուժվելու դեպքում կարող է հանգեցնել կուրության: Ոսպնյակի թափանցիկության խանգարման հետևանքով աչքի մեջ է ընկնում լույսի ոչ մեծ քանակություն, դրա համար մարդը աղոտ է տեսնում, հատկապես, պայծառ լույսի դեպքում: Բուժումը հետաձգել չարժե, քանի որ զարգացող կատարակտայի դեպքում ոսպնյակը չափերով մեծանում է, դրանով խանգարելով ներակնային հեղուկի հոսքին: Դրա հետևանքով բարձրանում է ներակնային ճնշումը, զարգանում գլաուկոմա: Գլխավոր նյարդը ձևախախտվում է և տեսողական ազդանշանները դադարում են հասնել մարդու գլխուղեղ:

Ակնաբուժության «մարգարիտը»

՚

Բժիշկները մինչ այժմ չեն կարողանում այս հիվանդության դեմ արդյունավետ պահպանողական բուժում առաջարկել: Անհնար է դեղերի օգնությամբ վերադարձնել բյուրեղիկի թափանցիկությունը: Ակնաբույժները փորձում են կանխարգելել կատարակտայի սկսվող դրսևորումները. այդ նպատակով կիրառվում են փոխանակության գործընթացները լավացնող դեղպատրաստուկներ:

Ներկայումս կատարակտայի բուժման հիմնական մեթոդը վիրաբուժականն է: Կատարակտայի հեռացման և տեսողության վերականգնման առավել հարմար վիրահատությունը համարվում է ֆակոէմուլսիֆիկացիան համատեղելով ինտրաօկուլյարային ոսպնյակի արհեստական իմպլանտի հետ: Հատկապես այս մեթոդն է ճանաչվել որպես «ակնաբուժության մարգարիտ»:

Բուժման նախապատրաստվելը հաջողության գրավականն է

Մինչև վիրահատությունը պացիենտն անցնում է ախտորոշման բոլոր հետազոտությունները: Այն որոշում է նաև  հնարավոր հակացուցումները, ինչն էլ պացիենտին ազատում է հնարավոր բարդություններից: Շնորհիվ ներկայումս առկա բարձրտեխնոլոգիական սարքավորումների, ախտորոշման գործընթացը հետազոտում է եղջերաթաղանթի, բյուրեղիկի, ցանցենու և տեսողական ողջ համակարգի վիճակը: 

Ընդամենը 15 րոպե

Կատարակտայի վիրահատությունը մթագնած/խամրած բյուրեղիկի հեռացումն է և այն արհեստական ոսպնյակով փոխարինումը:

Կատարակտայի ուլտրաձայնային ֆակոէմուլսիֆիկացիայի ժամանակակից մեթոդը թույլ է տալիս հեռացնել բյուրեղիկը և փոխպատվաստել արհեստական ոսպնյակով, կատարելով կտրվածք, որը չի գերազանցում 1,6 մմ-ը: Այն ինքնուրույն հերմետիկանում է և կար դնելու կարիք չկա: Դա նշանակալիորեն կրճատում է վերականգնողական շրջանը և բացառում տեսողության հետվիրահատական աղավաղումը, ինչի շնորհիվ մարդը բավական արագ է վերադառնում ակտիվ և սովորական կյանքի ռիթմին:

Վիրահատությունն ամբուլատոր պայմաններում տևում է 10-15 րոպե: Տեղային կաթիլային անզգայացումն օրգանիզմի վրա ծանրաբեռնվածություն չի առաջացնում, տարբեր տարիքի պացիենտների կողմից լավ է տարվում: Վիրահատությունից անմիջապես հետ պացիենտն սկսում է լավ տեսնել, իսկ տեսողությունը վերջնականապես վերականգնվում է մեկ շաբաթվա ընթացքում:

Ֆակոէմուլսիֆիկացիայի առավելությունները

• Հետվիրահատական բարդությունների առաջացման նվազագույն ռիսկ:

• Տարիքային սահմանափակումների բացակայություն:

• Տեսողության հնարավոր առավելագույն լավացում (պայմանավորված ուղեկցող առկա հիվանդություններով):

• Հետվիրահատական աստիգմատիզմի բացակայություն, կարերի հետ կապված:

Եվ հիշեք. կատարական ուշացումներ «չի հանդուրժում»: Այս խնդիրը հարկ է անհապաղ լուծել և ժամանակին, առաջին իսկ ախտանշանների դեպքում դիմել մասնագետին:

Հարցեր, պատասխաններ, մեկնաբանություններ